لقانا / ابراهيم شبل
لقانا
كنت فاكر الدنيا في بعادك تساوي
وإزاي رجلي في يوم منعت خطاوي
فكنت عطر الدنيا و بخورها الجاوي
ياسندي معاك دربي بحبك مساوي
سبيل وسلسبيل طيب للخير غاوي
فارد كفك بالشارع للكل قلل قناوي
خلاص خدت الروح معاك يامداوي
ليه سبت جسدي من بلاروح هاوي
قلوبنا بطيب كلامك حكاية الراوي
دمعنافي يوم وداعك قلبه شعراوي
اناشفتك طاير زي الحمام القطاوي
وتحوم فوقنا كأنك على العهد ناوي
فتقول الدنيا كلامها حكاوي القهاوي
عيش بمحبة القلوب عشان تساوي
عايش بحق والشيطان دربه غناوي
أنا حزين مشتاقلك ودايخ كالحاوي
ومن غيرك عريان عجوز بعز شبابي
ليلي سهران معاك مافرقت أعتابي
مشاعر الشوق ليك تلعب بأعصابي
يا حاضر بروحي و عقلي برغم غيابي
وبتشع أنوار و مفتاحك حروف كتابي
و صورتك حقيقة حاضنه بين ذراعي
ماسح دموعي ببسمتك بحب داعي
وكنت بالفكر المحبة لكل قلب واعي
لقانا بالروح و صوتك مالي أسماعي
لقانا قريب بأمر ربنا فقلعت الأواعي
و لقانا بعد رحمة و مغفرة لكل ناعي
جنة ربنا بشفاعة نبيناراحة للأوجاعي
الشاعر/ إبراهيم شبل
تعليقات
إرسال تعليق