بتاريخ 6/5/2025 قصيدة ( كفكف دموعك عنترة) كلمات الشاعر المصري  أحمد إبراهيم النجار  كفكف دموعك عنترة  ده الدنيا فيها المسخرة  والظلم أصبح  بين كلابها بمنظرة  والحق فيها مالوش وجود  بقىٓ معيبه  كفكف دموعك عنترة  وأفرد قلوعك من هٍنا  سيب الرياح ترميك فى نار  أو حتى بير مالوش قرار  كل الطرق للهلاك مُمكنه  أصرخ بصوت  أو حتى صمت فيك الجراح متمكنه  وآه يا بحر غريق غويط  ضحكة عبيط بين الشطوط رقصة شيطان والحق هان  مالوش مكان ولا قوة له  ولا مقدرة  الرقص فن  والعهر فن  والقلب أن  والعقل جٓن  من مناظر مُقرفه  كفكف دموعك عنترة  وارحل بعيد  ده الموج عنيد  والقاع غويط  مسجور بنارهُ بمحرقة أهرب بجرحك عنترة شد الرحال ده الحمل مال وشراع سفينتي مكسره وأنا بحري ما بين الشطوط   الميه فيه متعقره ضاع الأمان بين الدروب  وركام حياه متعسّره فوق الجدار شروخ شقوق  ودموع آهات  أصوات صراخ متألمه شايف وداري بكل شئ  شايف طريق  مالوش نهاية ممكنه...