يا سؤال محتار كلمات عفاف مسلم يا سؤال محتار مش لاقي  جواب بين اه ولا يا كلام معسول ويلف  ويدور ولا مفهوم يا عيون بالنور عماله  تحووم ولا شيفاه واهو موجود ويقولوا اذاي اقول اذاي ما أنا قلبي دليلي يعرف خطاه يحس بوجوده قبل لقاه الاقي أنفاسه تدفيني ونظرة عينه تهديني تحسس قلبي بامانه يا سؤال محتار بين اه ولا بيبعد عني أميال وصورته قدامي خيال موجود معايا في كل مكان لقاه ونيسى وأنفاسه عبيري وأمد سنيني من طيبه يا سؤال محتار روح بيتك نام م قلبك لسه محبش ولا دقش محستشي بدقة قبلك مسافره ونظرة عينك شوفه وحده ولمسة ايدك متبلده وصوت جواك بيندهلك ولمسه خفيفه وناعمه وحس غريب بتحسه مسافرتش وانت جوه البيت مسرحتش ولا حسيت بكل اللي قاعد جنبك محضنتش سريرك يوم ولا احلمتش ولا اركبتش حصان الحلم ولا طرتش ولا تهتش ينادوا عليك متردش ولا اسمعتش كلام الأهل بيشاوروا وينحصروا علي حالك  وايه جالك عينيك الفاضحه لاسرارك وصمتك ذاد دعنوانك علامات الحب عليك  بانت هنيالك يا سؤال محتار من غير عنوان وبأي كلام مين قالك متعرفشي بأن الحب ما مستني سؤال عشان يتقال ولا ساعه ولا عنوان دبحر غريق ما بينجي وخط ...

عفاف مسلم  فيه ديون معنويه صعب الانسان ينساها مهما كان الديون مش فلوس وبس ياجماعه الديون ممكن تكون  إرشاد ف لحظة توهان او مواساة ف لحظة حزن  الديون ممكن تكون مساندة ف لحظة ضعف  او ضمة صدر ف لحظة عزاء او كلمة حنينه ف لحظة إنكسار كلمه تطمن بيها حد في لحظه خوف او مرض  الديون ممكن تكون طبطبه علي كتف ف لحظة ضعف  كل دي ديون بتتعمل في لحظات  مبتاخدش منك وقت علشان تعملها لحد محتاجها  بس مستحيل نِسيانِها .. ⁦⁩ إِذ يقول لصاحبه لا تحزن ❤❤❤❤

عفاف مسلم  مهما طالت بنا السنين  لازم يخدنا الحنين  نفتكر واحنا لسه صغيرين الحمار اللي كان  عارف طريق سكته والجاموسه علي  الساقيه ماشيه والسكون حوليها خير والغيطان الخضرا كلها تملي ليك الدنيا خير صرة الاكل البسيطه  حتة الجبنه القديمه ويا لقمة عيش مقدد والجميل شاى الركيه صوت جميل ياخدك بعيد لما معزه تمائي جنبك  ولا نهيق الحمير وكأنه عذف بسنفونيه ومهما طالت السنين نفتكر طبلية امي كانت تسيع منا الكتير واه يا زمن لسه باقي  منا ايه غير شوية زكريات نفتكر وقت العصاري  والطيور تدخل تبيت واللي بتعمبر بابورها واللي بيدها تمسح لمبتها كانت البيوت نضيفه الحصيره ولمبه جاز ويا راديوا جحاره قديمه  نسمع القران عليه فرن طينه من الفجريه  تقعد امي بصحها وعافيه  تعمل اللقمه الهنيه ليها طعم غريب مسكر حتى لو كانت بملح  جوه البيوت كان الدفا كان الامان كان الوفا  كان الرضا متحلي بصبر كانت الضحكه بريئه والفرحة بينهم قريبه بالبساطه كله سهل  بالطبيعة حياه جميله واه يازمن منك واه جريت بسرعه بدون تأني ولقينا روحنا محصورين بين ذكريات جوا منا ...

بحبك يا مصر كلمات عفاف مسلم  انا اللي حروفك برتلها وانا اللي طفولتي  بغني لها وانا اللي اشربت  من نيلك وانا اللي فخوره  بجنسيتك يا فرحه لكل من ذارك يا فاتحه للجميع بابك بحبك  يا ام السكات ناطق بحبك  يا اللي صبرك حاتم م انتي خير  الجنود فيكي ورملك شاربه  دم جنودك ونيلك ميته ترويكي وجندك حامي  اراضيكي وعجوزك يحكي  ويدعيلك ووليدك يحلف بحياتك وصغيرك يتمنى  فداكي بحبك يا مصر يا اللي السؤال الصح له عندك اجابه والكلام اللي بعبر تاخدي منه أفاده وانتي ليكي  كلمه وحده  مفيهاش ذياده مصر ياأم الدنيا وبحبك يا مصر