تحت المطر / د. حسن الشوان / مصر

........ تحت المطر .........

بيهل هلالك فى كل الليالى

وفى كل ليلة بشوفك قمر

والنجوم حواليكى بتلالى

بسحر عينيكى ازهار وسمر 

من صُغرك وانت ليكى هلال

مفيش غيرك من وسط البشر

نبض قلبى حس بيكى ومال

ونظراتك ليه وراها كم خبر 

عاش فيها حكى عنك وقال 

قصة حب ولا فى الخيال 

عطرها بيفوح لكل الأجيال 

عبق الزهوور وضل الشجر

اللى أصبحت فى كل موال

اللى إتزرعت وسط الحجر

طرحت عناقيد من الوصال 

شغلت نبض القلوب بالسهر 

بيهل جوايا هلالك كل يوم 

بشوف جمالك فى عز النوم 

مش عايز اصحى ولا أأقوم

من حلم جميل تحت المطر

................................... 

.. د/ حسن الشوان/ مصر ..