مبنامش الليل / عصام رزق
♥♥مبنامش الليل♥ سهران وعنيا تحوم بسماكى وإشهدى يانجوم قلبى المهموم يتمنى رضاكى عاشق محروم ولا قادر ابعد يوم وانساكى واصبح حبك شيئ محتوم نهارى بعيشه ف بحر هواكى وييجى مسايا سهر وهموم امتا الأيام هتجود بلقاكى ولا الأحلام فى منامى هتدوم وافضل مع طيفك فخيالى ولا حلمى هيبقى يوم معلوم تاه فكرى واتشتت حالى ولقيت قلبى نصين مقسوم نصه بيعانى وبيدارى والنص التانى عليل مكلوم والعقل الغايب من راسى عالق مع طيفك يوم ورا يوم مبنامش الليل وواخدنى غرامك لهلاكى ولموت مزعوم بكانى بعدك وجفاكى خلانى عن كل نساء الدنيا أصوم عشقك بقا دائى ودوائى... ولا غيرك شيئ له اى لزوم لانهار يهنالى ف بعادك وف ليلى عينى ماتهوى النوم ~~~~~~~~~~~~~~ مبنامش الليل حتى اسألى القمر السهران واسألى عنى الأفلاك واسألى النجم الحيران واسألى سواد الليل عن حالى كل دول شايفين عذابى وماجرالى اسألى دموعى لما بتشوفينى هتخبرك عن لوعتى وطول سنينى اسألى قلبى اللى راح وإسألى كل الجراح... الحياه صبحت نواح... والسهر بقا فيه براح... والعذاب بقى كل ليله شيئ مباح... والحقيقه ان انا فى البعد عنك... مبنامش الليل الشاعر/ عصام رزق
تعليقات
إرسال تعليق