ٱخر كلمة

 آخر كلمة...

    عاطف كبارة

       """"""""""

آخر كلمة قولتيها

بحبك....

عشر مرات كررتيها

بحبك....

وابتسامتك

فوق شفايفك

بس مش باينة

ف عنيكي...

أول مرة

أبقى شايفك

بس مش فاهم

عليكي...

بقيت واقف

ومستغرب...

ومش عارف

أقولك إيه...

عيونك ليه

بتتهرب... 

وإيه اللي إنتي 

بتخبيه... 

ماقولتيش ليا

أى جواب...

وقبل ما تمشي

سيبتي جواب...

رسالة 

ف إيدي سيبتيها... 

كتبتي 

كلمتين فيها...

  (بحبك.نقطة.إنساني)

ودي آخر كلمة قولتيها.

      عاطف كبارة


تعليقات

المشاركات الشائعة من هذه المدونة

إن غاب قالت جائبا غلابا / خالد بلال

ريح هوجاء