بدور عليكي / كريمة السيد
بدور عليكي بين كل.......... الصور
بدور وأنا راضي بالنصيب والقدر
بدور وأملي ألاقي خيالك هايم
بسمايا يناجي القمر فى ليلة سمر
بدور عليكي والبال حيران مشغول
هتعودي و بالود تجودي ولا الغياب
صار عذاب على الجبين مسطور
بدور عليكي بين كل الوجوه وقلبي
دليلي وعنك ياحبيبتي أبدا أبدا ما
يوم أبعد أو أتوه
يا حلم وحقيقة و ضحكة رقيقة
بريئة وفرحة تنور حياتي وتسعد
أوقاتي بكل دقيقة
يا عايشة معايا يا أملي ومنايا
يا أغلى وأجمل من كل الصبايا
بدور ويقيني يانور عيني كل يوم
يزيد إنك قريبة رغم الغيبة وسامع
صوتك وسط سكوتك و نبضك
ساكن شريان و وريد
يطمني أنا راجعة لقلبك بالتأكيد
يمكن بكرة يمكن بعده المهم أن
لقانا بين نجوم سمانا هيكون
اجمل وأروع عيد
ومهما اختلفت المواعيد الأمل
بقلوبنا قابل دايما للتجديد
........................
همسات بقلم كريمة السيد
تعليقات
إرسال تعليق