امير حاجز سكوتك/كريمة السيد
أكسر حاجز سكوتك وغني بعلو
صوتك وإياك تكتب بخط إيدك
نعي موتك
أيوة غني وعيش فى دنيا التمني
وإياك تقول عنوان السعادة ضاع
مني غصب عني
ليه تستسلم للأوهام وتسجن روحك
بين جدران الأحزان وتسهر ليل
الحرمان شريد حيران؟؟
أفرح وبعالم الاماني امرح واحجز
بدنيا السعادة مطرح وبخيالك فى
سماء احلامك هيم واسرح
وأرسم جنة أحلامك قدامك بألوان
زاهية وإياك تتراجع وتختفي بين
طيات المواجع بحجج واهية
خليك دايما فاكر إنك روعة الماضي
وجمال الحاضر وحلم المستقبل
المشرق الزاهر
سيبك من آلي عدى وفات واصنع
دافع وعيش الواقع وأتخطى كل
الأزمات بكل إصرار وثبات
وقول لبكرة انا القادم بمليون فكرة
وسجل فوق السطور بحروف من
نور قصة كفاح قصة نجاح رغم
الصعاب رغم الجراح
وسلم امرك لله سبحانه جل جلاله
فى علاه واترجاه وقول يارب فك
الكرب هيعم الخير شرق وغرب
............................
همسات بقلم كريمة السيد
تعليقات
إرسال تعليق