يا صباح الملحمي / حسام بخيت
يا صباحِك الملحمي
بيطُل ع الشارع
لمّا بتتقسمي
على عودِك الفارع
م الحَر مش طايقة
ولمّا تتبسمي
ألقى الهوا نسمة
والشمس مبتسمة
تبقى السما زرقا
والدنيا مش فارقة
و لمّا تتكلمي
ف حروفِك الحِكمة
تحلّو لي القسمة
واقول خلاص رايقة
ولمّا بتسلّمي
سحِر العيون ساحب
القلب و الميمنة
والرمش و الحاجب
أبقى أسيرِك أنا
و قهوتي الغامقة
أنا اللي قلبي استوى
واقف على عودُه
و لمّا شَم الهوى
راح يوفي بوعودُه
ليه ف الدلال سايقة.
حسام بخيت
تعليقات
إرسال تعليق