يالي راسم على وشك تكشيرة / كريمة السيد
يالي راسم على وشك تكشيرة
والحزن صره فى منديل
من فضلك روق وفضها سيرة
دا الهم يا عم نهاره ضباب وليله
عذاب وحمله على القلب تقيل
على فكرة إياك تخاف من بكره
وليك رب رحيم وكريم بحالك
عليم وحليم
عليك انت التفكير وعليه سبحانه
حسن التدبير
قادر يبدل احوالك ويريح بالك
مادمت من الحامدين الشاكرين
دا كل ليل اخره نهار وبيتولد من
قلب الضلمة النور ونهاية الأحزان
يا إنسان هنا وسرور
خليك مع الله تنول هداه ورضاه
كن على يقين إن الله مع الصابرين
ارسم على وجه الحياة ضحكاية
واعزف لحن الخلود من غير ربابة
وعود لحن رقيق للغاية
صدقني فرجه قريب والخير على
الأبواب المهم نرضى بالمقسوم رزق
يوم بيوم وسبحان العاطي الوهاب
.......................
همسات بقلم كريمة السيد
تعليقات
إرسال تعليق