المنياوية / جمال راشد

المنياوية

_______

البنت الحلوة المنياوية

دلوعة عسل و شقية

قالتلي بحبك ياجمالك

و حبك ده فرض عليه

هتروح من حبي لفين

يا حياتي و ضي عنيه

من يوم ما قابلتك يا ولا

و انت اهلي و كل ما ليه

دلعني يا ولا و اسعدني

تاخد قلبي و روحي و عنيه

ده انا يوم فرحتنا يا غالي

هارقصلك و ده ندر عليه

قلتلها بحبك و بموت فيك

و في خفة دمك يا صبيه

و في قلبي هاشيلك دايما

و هناكي و فرحك ع ايديه

و سنين الفرقه يا روحي

هاعوضها سعادة و حنيه

و اليوم فرحتنا الاولي

و تدوم لسنينا الجايه

_____________

بقلمي / جمال راشد