نور الشمس /حسن الشوان السويسي

 ......... نور الشمس ............

عايش فى قلق وحيره

لا عارف افكر ولا اكتب حرف 

عمري ما عشت ف غيرة 

ولا مدييت ايدى عايز عطف

انا برىء من اى تكهنات 

مش عايز نظرة شفقه 

ولا رأفه بأى اللغات 

ولا عايش على صدقه 

ولا قلت لحد مره هات 

ولا ندمت على الذكريات 

ولا وجعتنى مره الاهات

ولا مشاعرى كانت سرقه 

اللى فى قلبى على لسانى

معرفش اخبى الحقائق 

قلمى بيكتب كل المعانى 

ولكل معنى سلك شائك 

الحقيقه عيونها جريئة 

متقولوش عليها  دنيئه

بتكشف واقع  كل بيئه 

بالأصول البريئه والمعانى 

انا حيرتى فى نور الشمس 

اللى كل الناس شايفاه

ليه القمر اجمل من الشمس 

اللى عمرها ماراحت ومجتش

اللى بتنور كل عش

وعمرها ما غابت فى الحياة

..................................... 

... د/ حسن الشوان/ مصر ...