عزة النفوس / د. حسن الشوان / مصر
............... عزة النفوس ............
أمتلك الأراضي والاطيان والفلوس
و مقدرش يمتلك النوم وراحة البال
الشىء الغالى ميتباعش بالرخيص
ولا يكون وجوده محسوب من خيال
ولا قدر يحلّى لذة اللقمه ف الغموس
ولا يغير شكل واسم الطين بالأموال
الدم لما بيتعكر بيبان فى الوشووش
وعمر الحمام ما بيطير بطرف الحبال
ولا جناحاته تتباع وتتفصل مخصوص
ولا تتوه ف السما ولا تخاف م الجبال
امتلك السيارات والطيارات والكروش
ومقدرتش أمواله تبدل الغرب بالشمال
ولا تعرف خوواطر الأفكار قبل متتقال
ولاتغير الشمس وميبقاش للقمر هلال
الله مالك المُلك رازق النمله والجموس
ارادتهُ بحكمه وكل حكمه مليانا امثال
امتلك الأراضي والاطيان والفلوس
واتزرع الخوف جواه فى كل الاشكال
وأحلامه الجميله اتملت فيها كوابيس
لأن الذليل مهما يمتلك ما يحميه مال
امتلك الأراضي والاطيان والفلوس
ومقدرش يمتلك لنفسه عزة النفوس
ويكون ليه مكانه وهيبه وسط الرجال
الفلوس قيمة لكن متهزمش الحسيس
وفى سووق الرجولة ميساويش ريال
..............................................
........ د / حسن الشوان/مصر ........
تعليقات
إرسال تعليق