شايل حمولي / عمر حسين
شايل حمولي
و بزرع م الامل غنوات
بياع و شاطر و بعمل م الفسيخ شربات
غايب عن الدنيا باحلامي
و رافض نفسي و الدنيا
رافض زمان العهر
و المسافات
سهران لحالي و الألم
جوه القليب جمره
و الفجر نايم ف حضن الليل
يا سمره
زمزمت حرفي و طيرت الكلام مني
عليل و قلبي انكوى
مالى ف هواكم حيل
تعبت من دنيتي
ساكن دروب الويل
و الشط راح و اختفي
و السبحه مقطوعه
مدد يا سيدنا الولي
يا ابو كلمه مسموعه
و الخطوه منك براح
و ربى مالك زي
مشيت على دربي
الشوك غطاني
سارح ابيع كلمات
ما حد ناداني
حتى الكلام اتمنع
مخنوق يا صوت طيرى
عصفور جناحه اتكسر
و الصبح عادانى
تعليقات
إرسال تعليق