تقصد إيه بغيابك عني / كريمة السيد

تقصد إيه بغيابك عني تقصد يعني 
 تخيب ظني ولا ابات بين الأطلال 
  اكتوي بالنار ودموعي تخوني؟

ولا تقصد تبعد لجل ما تعند مع 
 ايامي وتزيد حيرتي واحزاني لجل 
 ما تسرق فرحة عمري غصب عني؟

ولا تقصد تلغي وجودي وتمحي أي 
آثار لحدودي تمحي أسمي ورسمي 
وتعلن يا أناني عصياني وجحودي؟

قولي بجد عملت إيه استاهل عليه 
 آلام البعد واسهر وحدي ليل الوعد
أعاني وأسأل حالي لاجواب ولا رد؟

تعرف انا شيفاك دلوقتي إزاي؟

شيفاك حاوي ماسك ناي بتعزف  
على انغامه لحن قساي ترقص فوق 
 أوجاعي ولا لحظة للذكرى تراعي

يلا ابعد يلا غيب يالي كنت أعز 
 وأغلى حبيب ومهما كان جرحي 
صعيب مسيره فى يوم بجبر الصبر
     يتداوى وبسرعة يطيب
.........................
همسات بقلم كريمة السيد

تعليقات

المشاركات الشائعة من هذه المدونة

إن غاب قالت جائبا غلابا / خالد بلال

ريح هوجاء