الباب اللي يقفله صاحبه في وشك بإصرار اوعي تخبط عليه تاني / عفاف مسلم علي

عفاف مسلم علي

الباب اللي يقفله صاحبه في وشك بإصرار اوعي تخبط عليه تاني..

اليد اللي ترفض ايدك بالصلح و مش فارق معاهم انك باقي عليهم متذلش نفسك عشانهم..

الشخص اللي بيجرحك و يهينك و انت صامت بس عشان صاين عشرته ، متخسرش كرامتك بسببه لانه مش صاين عشرتك ..

الناس اللي مبتاخدش اي خطوة عشان تشتريك و على طول محسساك انهم بايعين بالرخيص هما فعلا بايعينك...

ابعد عن الناس دي مش هقولك تكرهها او تأذيها.. بس ابعد عنهم عشان هيكسروك و ممكن يحولوك لانسان وحش من غير ما تحس..

في نوع من الناس بتتلذذ بإنها تشوف اللي قدامها مكسور 

 ونفسه ينول رضاهم، الناس دي مريضة نفسيا.. 

لا بتحبك و لا بتحب غيرك..بيحبوا نفسهم فقط ..

....واعلم جيدا أن.......

ابن الأصول أناقته ثابتة لأنه يعلم يقيناً أن الأدب والأخلاق

 أثواب بديعة للروح وروحه لحسن معدنه لا تستطيع أن

 تتخلى عن أناقتها قيل لسيدنا ليوسف عليه السلام ":- ما لك تجوع وأنت على خزائن الأرض؟ 

 قال:- أخاف أن أشبع فأنسى الجائع....

تحياتي واحترامي....

عفاف مسلم